Google ADS

Real Madrid pa Courtois e Rodrygo kundër Barçës

17:36 | 23 Tetor 2024
E.G

Real Madrid do të jetë pa portierin Thibaut Courtois dhe pa sulmuesin Rodrygo për ndeshjen e ardhshme në La Liga kundër Barcelonës.

Kjo pasi pasi të dy futbollistët kanë pësur lëndime në ndeshjen kundër Borussia Dortmund të martën, ku skuadra spanjolle ka fituar me rezultat 5-2.

Real ka konfirmuar të mërkurën se Courtois dhe Rodrygo do t’u nënshtrohen kontrolleve mjekësore për të parë seriozitetin e lëndimeve dhe për ta kuptuar kohën e qëndrimit jashtë.

Skuadra e drejtuar nga Carlo Ancelotti gjithashtu do të jetë pa kapitenin Dani Carvajal dhe mbrojtësin David Alaba, të cilët janë në rikuperim, por lajm i mirë është se mesfushori maroken Brahim Diaz ka rifilluar stërvitjet këtë javë dhe mund të jetë i disponueshëm për të luajtur kundër Barçës./rtk

Shpërndaje në rrjete sociale

Lajmet më të lexuara

Të ngjashme

Foto lajm